Visakha Volleyball Club

វិសាខា B ក្លាយជាម្ចាស់ជើងឯកពានរង្វាន់បាល់ទះសម្តេចក្រឡាហោម ស ខេង ឆ្នាំ ២០២២

admin — Mon, 27 Jun 2022 02:00:22 +0000

ព្រឹត្តិការណ៍ប្រកួតបាល់ទះក្នុងពានរង្វាន់សម្តេចក្រឡាហោម ស ខេង ឆ្នាំ២០២២ ឈានដល់ទីបញ្ចប់ហើយនៅថ្ងៃអាទិត្យ ទី២៦ ខែមិថុនា ឆ្នាំ២០២២ ដោយសមាគមកីឡាបាល់ទះវិសាខា B ក្លាយជាម្ចាស់ជើងឯក ក្រោយយកឈ្នះក្លិបបាល់ទះរដ្ឋបាលរាជធានីភ្នំពេញ B ក្នុងលទ្ធផល ៣សិត ទល់នឹង ២សិត។

លទ្ធផលវគ្គផ្តាច់ព្រ័ត្រ៖
រដ្ឋបាលរាជធានីភ្នំពេញ (B) ២-៣ វិសាខា (B) (២៧-២៩,២៥-២៣,២៦-២៤,១៧-២៥,១១-១៥)

ពានរង្វាន់បាល់ទះសម្តេចក្រឡាហោម ស ខេង ឆ្នាំ២០២២ នេះមានក្រុមចូលរួមចំនួន ២១ ដោយបែងចែកជា៤ពូលផ្សេងគ្នា ដោយចាប់ដំណើរការប្រកួតពីថ្ងៃទី៨ ដល់២៦ ខែមិថុនា ឆ្នាំ២០២២ ពោលគឺរាល់ថ្ងៃអាទិត្យ ដល់ថ្ងៃព្រហស្បតិ៍ នៅក្នុងសប្ដាហ៍នីមួយៗ។ ការប្រកួតគ្រប់ប្រកួតធ្វើឡើងនៅកីឡដ្ឋានព្រីនស៍។ ក្រោយប្រកួតសន្សំពិន្ទុតាមពូល ក្រុមដែលមានចំណាត់ថ្នាក់លេខ១និងលេខ២ មានឈ្មោះឡើងទៅទៅវគ្គ៨ក្រុមចុងក្រោយ ដើម្បីបន្តកៅអីរកក្រុមខ្លាំងចូលដល់វគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ តែម្តង៕

ទីបំផុតបាល់ទះកម្ពុជា សងសឹកថៃបានវិញហើយឈ្នះមេដាយសំរឹទ្ធ១ ស៊ីហ្គេម

admin — Mon, 23 May 2022 02:08:57 +0000

ក្រុមបាល់ទះកម្ពុជាបង្ហាញទម្រង់លេងល្អខ្លាំងណាស់ ដោយអាចសងសឹកលើក្រុមខ្លាំងថៃ បានមុននេះក្នុងវគ្គផ្ដាច់ព្រ័ត្រយកមេដាយសំរឹទ្ធ ខណៈវគ្គសន្សំពិន្ទុក្នុងពូលចាញ់ ៣-២ កន្លងទៅ។

វគ្គផ្ដាច់ព្រ័ត្រនេះគឺក្រុមបាល់ទះក្នុងសាលកម្ពុជាយកឈ្នះក្រុមថៃ ដោយលទ្ធផល ៣-២ ក្រសោបយកមេដាយសំរឹទ្ធក្នុងព្រឹត្តិការណ៍ស៊ីហ្គេម ២០២២ នេះ។ គេមើលឃើញថា កម្ពុជាលេងសហការគ្នាបានល្អ ពិសេសការចាប់សេវាធ្ងន់ៗរប់សថៃតែម្ដង ស្របពេលការលោតបាំងខាងកម្ពុជាជាឧបសគ្គខ្លាំងដល់ដៃគូ។

រំលឹកដែរថា ប្រភេទកីឡាបាល់ទះក្នុងសាលកម្ពុជាឈ្នះថៃ លទ្ធផល (២៥-២៣) (២២-២៥) (២៥-២២) (១៣-២៥) (១៥-១៣)។ កម្ពុជាទទួលបានមេដាយសំរឹទ្ធ១គ្រឿងលើប្រភេទកីឡាបាល់ទះក្នុងសាលនេះនៃព្រឹត្តិការណ៍ស៊ីហ្គេម វៀតណាម៕

ប្រកួតចុងក្រោយប្រចាំពូល B របស់បាល់ទះក្នុងសាលបុរស កម្ពុជាត្រូវជួបក្រុមថៃ

admin — Wed, 18 May 2022 02:18:38 +0000

ប្រកួតចុងក្រោយប្រចាំពូល B របស់បាល់ទះក្នុងសាលបុរសរបស់ជម្រើសជាតិកម្ពុជាត្រូវជួបក្រុមថៃ នៅវេលាម៉ោង ១១ថ្ងៃត្រង់ ថ្ងៃពុធ ទី១៨ ខែឧសភា ឆ្នាំ២០២២ ក្នុងព្រឹត្តិការណ៍កីឡាស៊ីហ្គេមលើកទី៣១ ឯប្រទេសវៀតណាម។១៨/០៥/២០២២ | ១១:០០ | កីឡដ្ឋាន DAI YENផ្សាយបន្តផ្ទាល់លើផេក សហព័ន្ធកីឡាបាល់ទះកម្ពុជា “ទាំងអស់គ្នាដេីម្បីកម្ពុជា”

ក្រុមបាល់ទះក្នុងសាលជម្រើសជាតិកម្ពុជាកក់កៅអីឡើងទៅវគ្គពាក់កណ្ដាលផ្ដាច់ព្រ័ត្ត ស៊ីហ្គេមលើកទី៣១

admin — Wed, 18 May 2022 02:13:58 +0000

ក្រុមបាល់ទះក្នុងសាលជម្រើសជាតិកម្ពុជាកក់កៅអីឡើងទៅវគ្គពាក់កណ្ដាលផ្ដាច់ព្រ័ត្រដោយស្វ័យប្រវត្តិក្រោយក្រុម ហ្វីលីពីន បានប្រកួតចាញ់ក្រុមថៃ ដោយលទ្ធផល ៣សិតទល់០ នៅរសៀលថ្ងៃចន្ទ ទី១៦ ខែឧសភា ឆ្នាំ២០២២នេះ ក្នុងពូល B ប្រចាំព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម។ កម្ពុជា នៅសល់១ប្រកួតក្នុងដៃក្នុងពូល B ដោយត្រូវជួបថៃ នៅថ្ងៃ ទី១៨ ខែឧសភា ខាងមុខមុន ត្រូវប្រកួតវគ្គពាក់កណ្ដាលផ្ដាច់ព្រ័ត្រនៅថ្ងៃ ទី២០ ខែឧសភា ឆ្នាំ២០២២៕ “ទាំងអស់គ្នាដេីម្បីកម្ពុជា”

ប្រធានក្លិបបាល់ទាត់វិសាខា អញ្ជើញទស្សនកិច្ចពហុកីឡដ្ឋានមរតកតេជោ

admin — Mon, 24 May 2021 03:12:59 +0000

ប្រធានក្លិបបាល់ទាត់វិសាខា លោកជំទាវ កែ សួនសុភី និងឯកឧត្តម ស សុខា រដ្ឋលេខាធិការក្រសួងអប់រំ យុវជននិងកីឡា និងក្រុមការងារបានអញ្ជើញទស្សនកិច្ចនៅក្នុងបរិវេណពហុកីឡដ្ឋានមរតកតេជោ ដែលជាទីតាំងសម្រាប់ទទួលធ្វើម្ចាស់ផ្ទះកីឡាព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣។

បើតាមការបង្ហោះនៅលើគណនីរបស់លោកជំទាវប្រធានក្លិប នៅព្រឹកថ្ងៃសុក្រនេះ បានកើតសរសើរពីភាពស្រស់ស្អាតនៃពហុកីឡដ្ឋានទាំងមូលរួមទាំងស្មៅនៅលើទីលានប្រកួត។

ពហុកីឡដ្ឋានមរតកតេជោមានទីតាំងស្ថិតនៅខណ្ឌជ្រោយចង្វារ រាជធានីភ្នំពេញ ដែលជាហេដ្ឋារចនាសម្ព័ន្ធដ៏ធំសម្បើមអស្ចារ្យសម្រាប់ការប្រកួត ការប្រារព្ធពិធីបើក-បិទព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។

យ៉ាងណាក្តីក្លិបបាល់ទាត់វិសាខា ក៏មានកីឡដ្ឋានព្រីនស៍ មានមូលដ្ឋាននៅលើទឹកដីខ័ណ្ឌសែនសុខ រាជធានីភ្នំពេញ ដែលកំពុងតែរៀបចំឱ្យត្រូវស្តង់ដារ ខណៈផែនការមេនឹងគ្រោងរួចរាល់នៅឆ្នាំ២០២៤ ខាងមុខ៕

ដៃស្តាំ Keisuke Honda សាទរលោក ភា សុភ័ត្រា បន្តការងារជាគ្រូជំនួយជម្រើសជាតិ

admin — Mon, 24 May 2021 03:09:23 +0000

ថ្មីៗនេះសហព័ន្ធកីឡាបាល់ទាត់កម្ពុជា បានតែងតាំងបុគ្គលសំខាន់២នាក់ក្នុងក្រុមជម្រើសជាតិកម្ពុជា មានលោក អ៊ុក សុធី (Messi) និងលោក ភា សុភ័ត្រា ជាគ្រូជំនួយ ដើម្បីជួយការងារលោកគ្រូបង្វឹកជប៉ុន លោក Ryu Hirose ត្រៀមចេញទៅប្រកួតក្នុងវគ្គជម្រុះពានរង្វាន់បាល់ទាត់ពិភពលោក 2022 FIFA World Cup និងវគ្គជម្រុះពាន AFC Asian Cup 2023 ប្រចាំទ្វីបអាស៊ី នៅក្នុងខែមិថុនា ខាងមុខ នៅប្រទេសបារ៉ែន។

ក្រោយទទួលបានការងារឡើងវិញ លោក ភា សុភ័ត្រា បានសរសេរនៅលើហ្វេសប៊ុករបស់លោកថា៖«ខ្ញុំបាទសូមអរគុណដល់ពុកម៉ែ មិត្តភក្ដិ និងបងប្អូនទាំងអស់គ្នា ដែលបានអបអរសាទរ លើកទឹកចិត្ត និងជូនពរខ្ញុំបាទ ក្នុងការវិលមកកាន់ការងារជម្រើសជាតិវិញ។ ខ្ញុំសូមសន្យាថានឹងប្រឹងប្រែងអោយអស់សមត្ថភាព និងជំនះគ្រប់ឧបសគ្គនានា ដើម្បីអោយទទួលបានសមិទ្ឋផលល្អៗក្នុងឱកាសបំពេញការងារដោយការទទួលខុសត្រូវខ្ពស់មួយនេះ»។

ចំណែកលោក Félix Dalmás អតីតគ្រូបង្វឹកក្រុមជម្រើសជាតិកម្ពុជា និងធ្លាប់ជាដៃស្ដាំរបស់ Keisuke Honda អ្នកចាត់ការទូទៅក្រុមជម្រើសជាតិកម្ពុជា ដែលធ្លាប់ជ្រើសរើសយកលោក ភា សុភ័ត្រា ជាគ្រូជំនួយកាលលោកនៅកាន់តំណែងបានលើកឡើងថា៖«ជាដំណឹងល្អមួយនៅក្នុងបាល់ទាត់កម្ពុជា។ ជាគ្រូបង្វឹកដ៏ល្អ ជាបុគ្គលដ៏ល្អ។ សូមបន្តធ្វើការងារឱ្យអ្នកគាំទ្រកាន់តែមានមោទកភាព»។

ក្រុមបាល់ទាត់ជម្រើសជាតិកម្ពុជា នឹងប្រកាសបញ្ជីឈ្មោះកីឡាករជាផ្លូវការនៅថ្ងៃចន្ទ សប្ដាហ៍ក្រោយ មុនធ្វើដំណើរទៅប្រកួតវគ្គជម្រុះពូល C ជុំទី២ប្រចាំទ្វីប នៅប្រទេសបារ៉ែន ពីថ្ងៃទី៣ ដល់១៥ ខែមិថុនា ឆ្នាំ២០២១ ដោយត្រូវជួបម្ចាស់ផ្ទះនៅថ្ងៃទី៣ មិថុនា ហើយបន្តជួបអ៊ីរ៉ាក់ នៅថ្ងៃទី៧ មិថុនា និងចុងក្រោយជួបក្រុមអ៊ីរ៉ាក់ នៅថ្ងៃទី១១ មិថុនា៕

បញ្ជីឈ្មោះជម្រើសជាតិកម្ពុជា ទៅជម្រុះ World Cup ចេញហើយ ខណៈក្រុមវិសាខា

admin — Mon, 24 May 2021 03:03:06 +0000

សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះក្រុមជម្រើសជាតិកម្ពុជា ដើម្បីត្រៀមចេញទៅប្រកួតក្នុងវគ្គជម្រុះពានរង្វាន់បាល់ទាត់ពិភពលោក 2022 FIFA World Cup និងវគ្គជម្រុះពាន AFC Asian Cup 2023 ប្រចាំទ្វីបអាស៊ី ដែលនៅសេសសល់ក្នុងជុំទី២ នាខែមិថុនា ខាងមុខ នៅប្រទេសបារ៉ែន។

ក្នុងចំណោមបញ្ជីឈ្មោះ២៤រូបដែលលោក Ryu Hirose គ្រូបង្វឹកជនជាតិជប៉ុន ជ្រើសរើសនោះមានកីឡាករមកពីក្លិបវិសាខា ៦នាក់ ក្លិបបឹងកេត ៥នាក់ ណាហ្គាវើល ៣នាក់ ព្រះខ័នរាជស្វាយរៀង ៣នាក់ ភ្នំពេញក្រោន ២នាក់ និងព្រៃវែង ៤នាក់។

MCL៖ក្លិបវិសាខា បង្អួតសម្រស់កីឡដ្ឋានព្រីនស៍ ពីលើអាកាស មុនប្រកួតចុងសប្ដាហ៍នេះ

admin — Mon, 24 May 2021 02:54:33 +0000

ក្លិបបាល់ទាត់វិសាខា បង្ហាញពីការរួចរាល់របស់កីឡដ្ឋានព្រីនស៍ សម្រាប់ទទួលជាម្ចាស់ផ្ទះក្នុងពានរង្វាន់លីគកំពូលកម្ពុជា Metfone Cambodian League 2021 (MCL) ជាមួយក្រុមភ្ញៀវអគ្គស្នងការដ្ឋាននគរបាលជាតិ នៅវេលាម៉ោង៣:៣០នាទីរសៀលថ្ងៃសៅរ៍ ទី១៥ ខែឧសភាឆ្នាំ២០២១ នេះ។

កីឡដ្ឋានព្រីសន៍ មានទីតាំងនៅក្បែរហ្រ្គែនភ្នំពេញ ក្នុងទឹកដីខ័ណ្ឌសែនសុខ រាជធានីភ្នំពេញ។ ខាងក្រោមជាការបង្អួតសម្រស់ កីឡដ្ឋានព្រីសន៍ ពីលើអាកាសមុនការប្រកួតមកដល់៖

ប្រធានក្លិបបាល់ទាត់វិសាខា ទទួលបានគ្រឿងឥស្សរិយយសមុនីសារាភ័ណ្ឌថ្នាក់”មហាសេរីវឌ្ឍន៍”

admin — Mon, 24 May 2021 02:49:39 +0000

លោកជំទាវ កែ សួនសុភី ស សុខា ប្រធានក្លិបបាល់ទាត់វិសាខា សមាជិកលីគកំពូលកម្ពុជា Metfone Cambodian League ទទួលបានគ្រឿងឥស្សរិយយស “មុនីសារាភ័ណ្ឌ” ថ្នាក់ “មហាសេរីវឌ្ឍន៍” ពីអង្គព្រះមហាក្សត្រ នៃព្រះរាជាណាចក្រកម្ពុជា ព្រះបាទនរោត្តម សីហនុ។ នេះបើតាមការបង្ហោះលើគណនីហ្វេសប៊ុករបស់ឯកឧត្តម លី ឡាយ ប្រធានគ្រប់គ្រងអ្នកគាំទ្រក្លិបបាល់ទាត់ វិសាខា នៅព្រឹកថ្ងៃចន្ទ នេះ។

ក្នុងឱកាសនេះដែរឯកឧត្តម ប្រធានគ្រប់គ្រងអ្នកគាំទ្រក្លិបបាល់ទាត់ វិសាខា បានគោរពជូនពរលោកជំទាវប្រធាន និងក្រុមគ្រួសារ ព្រមទាំងបុត្រាបុត្រីលោកជំទាវមានសុខភាពល្អ សំណាងល្អ និងជួបប្រទះតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើង។

កន្លងមកលោកជំទាវប្រធានក្លិបបាល់ទាត់វិសាខា បានធ្វើសកម្មភាពមនុស្សធម៌ជាច្រើននៅតាមទីតាំងនានាដែលជួបការលំបាកទូទាំងប្រទេស មានជាគ្រឿងឧបភោគបរិភោគ និងថវិកាផងដែរ៕

បាល់ទះនារីថៃ បង្កើតក្រុមថ្មី ទៅប្រកួតពានពិភពលោក ជំនួសក្រុមចាស់២២នាក់ឆ្លងកូវីដ-១៩

admin — Mon, 24 May 2021 02:34:21 +0000

បន្ទាប់ពីទទួលបានលិខិតជូនដំណឹងពីសហព័ន្ធកីឡាបាល់ទះថៃ សហព័ន្ធកីឡាបាល់ទះអន្តរជាតិ ( FIVB) បានបើកភ្លើងខៀវឱ្យក្រុមបាល់ទះជម្រើសជាតិថៃ រៀបចំផែនការថ្មី ព្រោះបញ្ជីឈ្មោះកីឡាការិនីដែលចុះឈ្មោះកន្លងមកមានរហូតដល់២២នាក់បានឆ្លងជំងឺកូវីដ-១៩ ដើម្បីបន្តសិទ្ធិចូលប្រកួតក្នុងព្រឹត្តិការណ៍បាល់ទះពិភពលោក 2021 FIVB Volleyball Women’s Nations League។

ពានរង្វាន់ 2021 FIVB Volleyball Women’s Nations Leagueគ្រោងរៀបចំឡើងនៅទីក្រុង Rimini ប្រទេសអ៊ីតាលី រៀបចំពីថ្ងៃទី២៥ ខែឧសភា ដល់ថ្ងៃទី២៥ ខែមិថុនា ឆ្នាំ២០២១ ដោយមានក្រុមចូលរួមចំនួន១៦ក្រុមមកពី៤ទ្វីប។ ក្រុមដែលចូលរួមមានប្រេស៊ីល ចិន អាល្លឺម៉ង់ អ៊ីតាលី ជប៉ុន ហុល្លង់ រុស្ស៊ី សែប កូរ៉េខាងត្បូង ទួរគី អាមេរិក បែលហ្សិក កាណាដា ដូមីនីកា និងប៉ូឡូញ ខណៈថៃ សុំដកខ្លួន។

សហព័ន្ធកីឡាបាល់ទះថៃ បានតែងតាំងលោក Kittikun Sriutthawong អតីតប្រធានក្រុមជម្រើសជាតិបុរសថៃ ធ្វើជាគ្រូបង្វឹកជំនួសលោក Danai Sriwatcharamethakul ដែលជាគ្រូបង្វឹកចាស់កំពុងតែធ្វើចត្តាឡឺស័ក ជាមួយនឹងក្រុមបាល់ទះនារី ឈុតចាស់ដែលឆ្លងកូវីដ-១៩។ គ្រូបង្វឹកជម្រើសជាតិថ្មី បានកោះហៅកីឡាការិនីមួយក្រុមដោយឡែក ចំនួន២៤នាក់ផ្សេងទៀតហ្វឹកហាត់ចេញទៅប្រកួតជំនួសក្រុមចាស់។

Visakha Volleyball Club

វិសាខា B ក្លាយជាម្ចាស់ជើងឯកពានរង្វាន់បាល់ទះសម្តេចក្រឡាហោម ស ខេង ឆ្នាំ ២០២២

ទីបំផុត​បាល់ទះ​កម្ពុជា​ សងសឹក​ថៃ​បានវិញ​ហើយ​ឈ្នះ​មេដាយ​សំរឹទ្ធ១​ ស៊ីហ្គេម​

ប្រកួតចុងក្រោយប្រចាំពូល B របស់បាល់ទះក្នុងសាលបុរស កម្ពុជាត្រូវជួបក្រុមថៃ

ក្រុមបាល់ទះក្នុងសាលជម្រើសជាតិកម្ពុជាកក់កៅអីឡើងទៅវគ្គពាក់កណ្ដាលផ្ដាច់ព្រ័ត្ត ស៊ីហ្គេមលើកទី៣១

ប្រធាន​ក្លិប​បាល់ទាត់​វិសាខា អញ្ជើញ​ទស្សនកិច្ច​ពហុ​កីឡដ្ឋាន​មរតក​តេជោ​

ដៃស្តាំ Keisuke Honda សាទរ​លោក ភា សុភ័ត្រា បន្ត​ការងារ​ជា​គ្រូ​ជំនួយ​ជម្រើស​ជាតិ

បញ្ជី​ឈ្មោះ​ជម្រើសជាតិ​កម្ពុជា ទៅ​ជម្រុះ World Cup ចេញ​ហើយ ខណៈ​ក្រុម​វិសាខា

MCL៖ក្លិប​វិសាខា បង្អួត​សម្រស់​កីឡដ្ឋាន​ព្រីនស៍ ពីលើអាកាស មុន​​ប្រកួត​​ចុង​សប្ដាហ៍​នេះ

ប្រធាន​ក្លិប​បាល់ទាត់​វិសាខា ​ទទួល​បាន​គ្រឿង​ឥស្សរិយយស​មុនីសារាភ័ណ្ឌ​ថ្នាក់​”មហាសេរីវឌ្ឍន៍”